Bikarkeppnin hefst í Vestmannaeyjum

Fyrsti leikur Poweradebikarkeppninnar í handknattleik, bikarkeppni HSÍ, á þessu keppnistímabili fer fram í kvöld í Vestmannaeyjum. ÍBV 2 tekur á móti Herði frá Ísafirði. Viðureignin hefst klukkan 19.30 í gamla íþróttasalnum í íþróttamiðstöð Vestmannaeyja.

Annað kvöld, þriðjudag, verða þrír leikir á dagskrá í fyrstu umferð Poweradebikars karla þegar Víðir fær Gróttu í heimsókn, Hvíti riddarinn sækir Fjölnir heima og ÍR og Víkingur leiða saman kappa sína.

Dregið verður í 16-liða úrslit Poweradebikars karla og kvenna á miðvikudaginn.