Íslandsmeistarar FH sitja einir í efsta sæti Olísdeildar karla eftir að fjórðu umferð deildarinnar lauk í kvöld. FH vann annan af tveimur leikjum kvöldsins. FH-ingar sóttu Stjörnumenn heim í Hekluhöllina, lokatölur, 26:22, eftir að tveimur mörkum skakkaði á liðunum þegar fyrri hálfleikur var að baki, 12:10, Hafnfirðingum í vil.
FH hefur þar með átta stig eftir fimm leiki en Hafnarfjarðarliðin tvö hafa leikið einu sinni oftar en önnur lið deildarinnar vegna þess að þau hálf þjófstörtuðu áttundu umferð Olísdeildar á mánudagskvöldið í Kaplakrika.
Stjarnan er í 7. sæti með fjögur stig.
FH-ingar voru sterkari frá upphafi til enda leiksins í Hekluhöllinni í kvöld. Stjörnunni tókst að minnka muninn í eitt mark, 20:19, þegar um 10 mínútur voru til leiksloka. Nær komust þeir ekki þrátt fyrir stórleik Adam Thorstensen markvarðar sem hafði nóg að gera.
Birgir Már Birgisson var afar góður í FH-liðinu með 10 mörk í 12 skotum. Aron Pálmarsson skoraði tvö mörk en var maðurinn af bak við níu marktækifæri.
Staðan og næstu leikir í Olísdeildum.
Mörk Stjörnunnar: Hans Jörgen Ólafsson 5, Jóel Bernburg 5, Jóhannes Bjørgvin 4/1, Tandri Már Konráðsson 4/1, Pétur Árni Hauksson 2, Jón Ásgeir Eyjólfsson 1, Sveinn Andri Sveinsson 1.
Varin skot: Adam Thorstensen 17, 39,5%.
Mörk FH: Birgir Már Birgisson 10, Símon Michael Guðjónsson 8/2, Aron Pálmarsson 2, Ásbjörn Friðriksson 2, Gunnar Kári Bragason 2, Jakob Martin Ásgeirsson 1, Jóhannes Berg Andrason 1.
Varin skot: Daníel Freyr Andrésson 8/1, 26,7%.
