Bjarni Gunnar verður Gunnari til halds og trausts

Bjarni Gunnar Bjarnason verður aðstoðarþjálfari karlaliðs Hauka á næstu leiktíð og verða þar með Gunnari Magnússyni nýráðnum þjálfara til halds og trausts. Gunnar er að koma til starfa á nýjan leik hjá Haukum eftir fimm ára veru hjá Aftureldingu.

Bjarni Gunnar hefur undanfarin ár þjálfað í yngri flokkum Hauka og m.a. þjálfað 3. flokk karla og U-lið karla ásamt Einari Jónssyni. Bjarni Gunnar sem mun halda því áfram samhliða aðstoðarþjálfarastarfinu. Þannig er honum ætlað að vera með kemur því með mikilvæga tengingu í yngri flokka félagsins sem mun hjálpa yngri leikmönnum að koma inn í meistaraflokk félagsins, segir í tilkynningu Hauka í dag.