Handknattleiksmarkvörðurinn Breki Hrafn Árnason hefur skrifað undir nýjan þriggja ára samning við handknattleiksdeild Fram. Breki er einn allra efnilegasti markvörður landsins og hefur m.a. leikið með yngri landsliðunum á síðustu árum, síðast á HM 19 ára landsliða í Króatíu á síðasta sumri.
Þrátt fyrir ungan aldur á Breki Hrafn fjölmarga leiki að baki fyrir meistaraflokk Fram, ásamt því að hann hefur verið einn besti markvörður í Grill 66-deildinni með U-liði Fram sem trónir nú á toppi deildarinnar.
„Breki er fyrirmynd bæði innan sem utan vallar. Frábær karakter sem vill stöðugt bæta sig sem leikmaður. Við höfum mikla trú á Breka og það verður gaman að fylgjast með honum í komandi framtíð,“ er haft eftir Einari Jónssyni þjálfara karlaliðs Fram sem á sæti í Olísdeildinni.
Staðan og næstu leikir í Olísdeildum.
