Breytingar á hlutverki Arnars Daða

Handknattleiksdeild Stjörnunnar hefur loks skýrt formlega frá breytingum á hlutverki Arnars Daða Arnarssonar hjá Stjörnunni.

Á aðfangadag skýrði Handkastið, þar sem Arnar Daði er annar ritstjóra, frá því að honum hafi verið sagt upp störfum sem aðstoðarþjálfari meistaraflokks karla hjá Stjörnunni en að hann myndi halda áfram starfi sínu sem aðstoðarþjálfari meistaraflokks kvenna hjá félaginu.

Arnar Daði leystur frá störfum

Í tilkynningu frá handknattleiksdeild Stjörnunnar í dag eru þessi tíðindi staðfest og segir þar ennfremur að Arnar Daði hafi sjálfur óskað eftir því að vera leystur frá störfum innan barna- og unglingastarfs félagsins, sem stjórn deildarinnar samþykkti.