Markvörðurinn Brynjar Vignir Sigurjónsson hefur ákveðið að ganga til liðs við HK. Hann hittir þar fyrir fyrrverandi samherja sinn hjá Aftureldingu, Jovan Kukobat, en saman eiga þeir að mynda öflugt markvarðapar í Olísdeildarliði HK á næstu leiktíð.
Brynar Vignir er 23. aldursári og hefur leikið allan sinn feril með Aftureldingu. Hann er með efnilegri markvörðum landsins og var í m.a. í 21 árs landsliðinu sem vann bronsverðlaun á HM í Grikklandi og Þýskalandi fyrir tveimur árum.
„Við hjá HK erum gríðarlega stolt af því að Brynjar hafi valið HK. Hann er frábær markmaður og við ætlum honum að mynda öflugt teymi með Jovan þegar hann kemur til baka úr meiðslum. Hann hefur sýnt það á undanförnum árum að hann er með betri markmönnum í deildinni og verið mjög mikilvægur hluti af uppgangi UMFA síðastliðin ár og öðlast mikla reynslu sem mun hjálpa okkar liði til frekari sigra í framtíðinni,“ segir Halldór Jóhann Sigfússon þjálfari HK.
