Cornelia hefur kvatt Selfoss

Cornelia Hermansson markvörður sem leikið hefur með Selfoss undanfarin þrjú ár hefur kvatt félagið og snúið heim til Svíþjóðar. Hún hefur samið við úrvalsdeildarliðið Kungälvs HK á vestra Gautlandi.

Cornelia kom til liðs við Selfossliðið sumarið 2022 og lék með liðinu bæði í Grill 66-deildinni og í Olísdeildinni.

Áður en Cornelia kom á Selfoss hafði hún leikið með Gustavsbergs IF, Sävehof, Önnered og Kärra.