Costa og Gidsel markahæstir – Viktor Gísli á topp tíu

Portúgalinn Martim Costa og Daninn Mathias Gidsel voru jafnir og markahæstir á Evrópumótinu í handknattleik 2024 sem lauk í Köln í Þýskalandi í kvöld. Þeir skoruðu 54 mörk hvor. Costa lék sjö leiki en Gidsel níu leiki. Þar af leiðandi var Costa með mun fleiri mörk að jafnaði í leik.

Enginn Íslendingur var á meðal tíu efstu á EM að þessu sinni. Ómar Ingi Magnússon var markakóngur EM 2022 með 59 mörk í átta leikjum. Viggó Kristjánsson skoraði flest mörk Íslendinga á mótinu á þessu sinni, 34, eins og kom fram á handbolti.is í gær. Viggó var jafn Frakkanum Nedim Remili sem valinn var besti leikmaður mótsins.

Hér eru 10 markahæstu leikmenn á EM 2024:

Viktor Gísli í fremstu röð

Viktor Gísli Hallgrímsson var á meðal þeirra tíu markvarða á EM sem voru með hlutfallslega flest varin skot, 31%. Íslenski landsliðsmarkvörðurinn er í góðum félagsskap.