Viggó markahæstur á EM – Aron í þriðja sæti frá upphafi

Viggó Kristjánsson varð markahæsti leikmaður íslenska landsliðsins á Evrópumótinu í handknattleik 2024. Viggó skoraði 34 mörk í sjö leikjum, eða rétt tæp fimm mörk að jafnaði í leik. Hann skorðaði í öllum leikjum íslenska landsliðsins á mótinu. Fæst mörk skoraði Viggó, eitt, í sigurleik á Svartfellingum, 31:30, í Ólympíuhöllinni í München 14. janúar. Flest mörk í leik skoraði Viggí tveimur dögum síðar, átta mörk, í tapleik fyrir Ungverjum, 33:25, einnig í fyrrgreindri Ólympíuhöll.

Situr í 13. sæti

Alls hefur Viggó skoraði 54 mörk á þremur Evrópumótum í 22 leikjum. Hann er 13. markahæsti leikmaður íslenska landsliðsins frá upphafi í lokakeppni EM.

Aron rauf 150 marka múrinn

Næstur á eftir Viggó á EM 2024 varð Aron Pálmarsson, fyrirliði, með 25 mörk. Hann hefur þar með skorað 150 mörk fyrir landsliðið í lokakeppni EM og er þriðji markahæsti frá upphafi. Aron komst upp fyrir landsliðsþjálfarann Snorra Stein Guðjónsson sem var í þriðja sæti fyrir mótið með 143 mörk. Guðjón Valur Sigurðsson, 288 mörk, og Ólafur Stefánsson 184 mörk er í tveimur efstu sætunum.

Tveir jafnir í þriðja sæti

Elliði Snær Viðarsson og Sigvaldi Björn Guðjónsson voru næstir á eftir Viggó og Aroni með 21 mark hvor.

Markahæstu leikmenn Íslands á EM karla: