Cots til liðs við Stjörnuna

Stjarnan hefur samið við handknattleikskonuna Britney Cots sem undanfarin þrjú tímabil hefur leikið með FH. Cots hefur skrifað undir þriggja ára samning við Garðabæjarliðið og kemur til þess í sumar og verður klár í slaginn þegar keppnistímabilið byrjar í september.

Cots er 24 ára hægri handar skytta og sterkur varnarmaður. Hún hefur verið í æfingahópum með yngri landsliðum Frakklands og er nú í landsliðshópi Senegal. Hún spilaði í frönsku 2. deildinni áður en hún flutti til Íslands og gekk til liðs við FH.

Stjarnan greinir frá þessu í tilkynningu í dag.

Cots hefur skorað 44 mörk í 11 leikjum með FH á þessari leiktíð í Olísdeild kvenna.