Þrír af fjórum leikjum átta liða úrslita Poweradebikars karla í handknattleik (bikarkeppni HSÍ) fara fram í kvöld. Fjórða viðureignin verður á föstudaginn.
Meðal leikja kvöldsins, sem nánar eru teknir saman hér fyrir neðan, er viðureign Hauka og Harðar á Ásvöllum í Hafnarfirði. Ísfirðingar taka nú þátt í átta liða úrslitum bikarkeppninnar í fyrsta sinn.
Auk bikarleikjanna verður þess freistað að koma á dagskrá viðureignum í Olísdeildum kvenna og karla sem varð að fresta vegna veðurs um síðustu helgi. Annars vegar mætast Suðurlandsliðin ÍBV og Selfoss í Olísdeild karla og hinsvegar sækja Haukar liðsmenn KA/Þórs heim í Olísdeild kvenna. Vegna þessa verður nóg að gera hjá handboltaþyrstum Akureyringum því að í kjölfar kvennaleiksins tekur við hörkuleikur í átta liða úrslitum Poweradebikars karla.
Leikir kvöldsins
Olísdeild kvenna:
KA-heimilið: KA/Þór – Haukar, kl. 17.30 – sýndur á https://www.livey.events/ka-tv
Staðan í Olísdeildunum
Olísdeild karla:
Vestmannaeyjar: ÍBV – Selfoss, kl. 18 – sýndur á Stöð2sport.
Poweradebikar karla, 8-liða úrslit:
Skógarsel: ÍR – Fram, kl. 18 – sýndur á RÚV2.
Ásvellir: Haukar – Hörður, kl. 19.30 – sýndur á Haukartv.
KA-heimilið: KA – Afturelding, kl. 20 – sýndur á RÚV2.
Handbolti.is hyggst freista þess að fylgjast með leikjum kvöldsins.
