Fjórða umferð Olísdeildar karla hefst í kvöld með þremur viðureignum. Efsta lið deildarinnar, og það eina taplausa fram til þessa, Afturelding, sækir ÍR-inga heim í Skógarsel kl. 19. Hálftíma áður taka Valsmenn á móti Selfyssingum sem gerðu sér lítið fyrir og lögðu Fram á síðasta föstudag í Sethöllinni. Á sama tíma voru Valsarar í basli norðan heiða gegn Þór.
Fram og Haukar leiða saman kappa sína í Lambhagahöllinni í Úlfarsárdal klukkan 19.30. Hvort lið hefur unnið tvo leiki en tapað einum til þessa. Viðureignin verður send út í opinni dagskrá í sjónvarpi Símans.
Toppslagur Grill 66-deildar kvenna verður í Hertzhöllinni á Seltjarnarnesi klukkan 19.15, í upphafsleik 3. umferðar. Gróttu tekur á móti efsta liði deildarinnar, HK.
Leikir kvöldsins
Olísdeild karla, 4. umferð:
N1-höllin: Valur – Selfoss, kl. 18.30.
Skógarsel: ÍR – Afturelding, kl. 19.
Lambhagahöllin: Fram – Haukar, kl. 19.30.
-í opinni dagskrá í sjónvarpi Símans.
Staðan og næstu leikir í Olísdeildum.
Grill 66-deild kvenna, 3. umferð:
Hertzhöllin: Grótta – HK, kl. 19.15.
Staðan og næstu leikir í Grill 66-deildum.
- Leikir kvöldsins verða sendir út á Handboltapassanum.
- Einnig verður HBStatz með stöðu- og textauppfærslur frá leikjunum eins og öðrum á leiktíðinni. Hægt verður að fylgjast með stöðuuppfærslum HBStatz á forsíðu handbolti.is.
