Eftir tveggja vikna hlé vegna landsleikja þá verður flautað til leiks í Olísdeild kvenna í handknattleik í kvöld. Vonir standa alltént til þess. Fram sækir bikarmeistara ÍBV heim í upphafsleik sjöttu umferðar. Flautað verður til leiks í íþróttamiðstöðinni í Vestmannaeyjum klukkan 19.30.
Uppfært klukkan 13.45: Vegna veðurs og truflunar á samgöngum af þeim sökum hefur viðureign ÍBV og Fram í Olísdeild kvenna verið frestað til morguns, laugardag. Vonir standa til að hægt verði að hefja leik klukkan 14.
ÍBV situr í öðru sæti Olísdeildar með átta stig. Fram er tveimur þrepum neðan með sex stig.
Ekki verður látið nægja að leika handknattleik í Vestmannaeyjum. Fjórðu umferð Grill 66-deildar kvenna verður framhaldið og reyndar lokið með tveimur leikjum í Kaplakrika og í Safamýri.
Til viðbótar hefst fimmta umferð Grill 66-deildar karla með einum leik.
Leikir kvöldsins
Olísdeild kvenna:
Vestmannaeyjar: ÍBV – Fram, kl. 19.30.
Staðan og næstu leikir í Olísdeildum.
Grill 66-deild kvenna:
Kaplakriki: FH – Fjölnir, kl. 18.30.
Safamýri: Víkingur – HK, kl. 20.
Staðan og næstu leikir í Grill 66-deildum.
Grill 66-deild karla:
Fjölnishöll: Fjölnir – Víkingur U, kl. 19.30.
Þeir sem ekki eiga þess kost á mæta í íþróttahúsin í kvöld til styðja sín lið geta fylgst með útsendingum frá leikjunum í Sjónvarpi Símans.
