Einn leikur fer fram í Grill 66-deild karla í handknattleik. Hið nýstofnaða handboltalið í Vestmannaeyjum, Handknattleiksbandalag Heimaeyjar (HBH), leikur sinn fyrsta heimaleik á Íslandsmótinu. HBH fær Fram2 í heimsókn. Flautað verður til leiks klukkan 16. Ef allt gengur að óskum verður hægt að fylgjast með útsendingu frá leiknum á Handboltapassanum.
HBH tapaði fyrir Val2 í fyrstu umferð Grill 66-deildar, 34:27, í leik sem fram fór á heimavelli Valsara. Á sama tíma gerðu leikmenn Fram2 sér lítið fyrir og lögðu Hörð frá Ísafirði í Lambhagahöllinni í Úlfarsárdal, 32:31.
Staðan og næstu leikir í Grill 66-deildum.
Næturleikur?
Einnig stendur til, eða stóð til, að Berserkir og ÍH mætist í Víkinni í dag í 2. umferð 2. deildar karla. Óvíst er hvenær leikurinn hefst. Ef marka má mótasíðu HSÍ þá verður flautað til leiks á miðnætti eða þá að hann hófst á miðnætti aðfaranótt sunnudags. Ósennilegt verður að teljast að leikmenn hafi verið eða verði við handboltaleik inn á nóttunni þótt margir hafi ánægju af leiknum.
Leikjadagskrá 2. deildar karla.
