Nítjánda og þriðja síðasta umferð Olísdeildar kvenna hefst í kvöld þegar efsta lið deildarinnar, ÍBV, sækir Hauka heim á Ásvelli. Flautað verður til leiks klukkan 18. Þetta er fyrsti leikur Hauka eftir að Díana Guðjónsdóttir tók við þjálfun liðsins af Ragnari Hermannssyni á mánudagskvöld. Til viðbótar verður Sigurður Bragason ekki við stjórnvölin hjá ÍBV að þessu sinni. Sigurður tekur út fyrri leikinn af leikbanni sem hann var úrskurðaður í.
Auk leiksins í Olísdeild kvenna verða tvö efstu liðin í Grill 66-deild kvenna, Afturelding og ÍR, í eldlínunni. Topplið Aftureldingar tekur á móti neðsta liði deildarinnar, Fjölni/Fylki, á sama tíma og ÍR, sem er í öðru sæti fær heimsókn af ungmennaliði Vals. Báðir leikir hefjast stundvíslega klukkan 19.30.
Leikir kvöldsins
Olísdeild kvenna:
Ásvellir: Haukar – ÍBV, kl. 18 – sýndur á Haukartv.
Staðan í Olísdeild kvenna.
Grill 66-deild kvenna:
Skógarsel: ÍR – Valur U, kl. 19.30.
Varmá: Afturelding – Fjölnir/Fylkir, kl. 19.30.
Staðan í Grill 66-deildum kvenna.
