Íslenska landsliðið í handknattleik kvenna leikur síðari viðureign sína við Ísrael í forkeppni heimsmeistaramótsins á Ásvöllum í Hafnarfirði klukkan 15 í dag. Eins og í gær verður ókeypis aðgangur á leikinn í boði Arion banka. Íslenska liðið hefur vænlega stöðu eftir átta marka sigur í gær en veitir ekki af góðum stuðningi til þess að láta kné fylgja kviði og innsigla sæti sitt í umspilsleikina fyrir HM sem fram fara í apríl.
ÍBV mætir úkraínska liðinu Donbas öðru sinni í Vestmannaeyjum í dag í Evrópubikarkeppni karla í handknattleik. Haukar verður einnig í eldlínunni, reyndar ekki á heimavelli. Þeir þurfa að snúa við taflinu eftir fjögurra marka tap á Nikósíu á Kýpur í gær fyrir Famagusta.
Síðast en ekki síst hefst áttunda umferð Olísdeildar karla síðdegis og í kvöld með æsispennandi leikjum.
Einnig hefst önnur umferð EM kvenna í handknattleik – leikjadagskrá EM.
Leikir dagsins
Forkeppni HM kvenna, síðari leikur:
Ásvellir: Ísland – Ísrael (34:26), kl. 15 – sýndur á RÚV.
Evrópubikarkeppni karla, 2. umferð, fyrri leikur:
Vestmannaeyjar: ÍBV – Donbas (36:28), kl. 14 – sýndur á ÍBVtv.
Nikósía: Haukar – Famagusta (22:26), kl. 18.
Olísdeild karla:
Varmá: Afturelding – KA, kl. 17 – sýndur á Stöð2sport.
Kaplakriki: FH – Hörður, kl. 17 – sýndur á FHtv.
TM-höllin: Stjarnan – ÍR, kl. 19.30 – sýndur á Stöð2 sport.
Staðan í Olísdeild karla:
| Valur | 7 | 6 | 0 | 1 | 225 – 187 | 12 |
| Fram | 8 | 4 | 3 | 1 | 237 – 230 | 11 |
| Selfoss | 7 | 4 | 1 | 2 | 215 – 200 | 9 |
| Afturelding | 7 | 4 | 1 | 2 | 198 – 184 | 9 |
| FH | 7 | 3 | 2 | 2 | 192 – 197 | 8 |
| ÍBV | 7 | 3 | 2 | 2 | 242 – 206 | 8 |
| Stjarnan | 7 | 2 | 3 | 2 | 198 – 200 | 7 |
| KA | 7 | 2 | 2 | 3 | 196 – 203 | 6 |
| Grótta | 6 | 2 | 1 | 3 | 168 – 164 | 5 |
| Haukar | 7 | 2 | 1 | 4 | 196 – 197 | 5 |
| ÍR | 7 | 2 | 0 | 5 | 192 – 245 | 4 |
| Hörður | 7 | 0 | 0 | 7 | 200 – 246 | 0 |
