Níu leikir fara fram í Olísdeildum kvenna og karla í dag auk tveggja viðureigna í Grill 66-deild karla. Nítjánda og þriðja síðasta umferð Olísdeildar kvenna hefst klukkan 13 með viðureign Aftureldingar og Fram sem send verður út í opinni dagskrá Símans. Síðan rekur hver leikurinn annan allt þar til leikur Stjörnunnar og Vals fer fram í Mýrinni í Garðabæ. Að leikjum dagsins í Olísdeild kvenna verður gert hlé á keppni vegna leikja landsliðsins á næstunni.
Ekki verður heldur slegið slöku við kappleiki í Olísdeild karla þar sem þrír leikir verða háðir í Vestmannaeyjum, í Kórnum og Ásvöllum.
Þór og ÍR mætast í Höllinni á Akureyri. Úrslit leiksins skipta máli í toppbaráttu Grill 66-deildar karla en bæði lið eiga möguleika á að fara beint upp í Olísdeildina í vor.
Leikir dagsins
Olísdeild kvenna, 19. umferð:
Varmá: Afturelding – Fram, kl. 13 – sýndur í opinni dagskrá Símans.
Skógarsel: ÍR – ÍBV, kl. 14 – handboltapassinn.
Ásvellir: Haukar – KA/Þór, kl. 15 – handboltapassinn.
Mýrin: Stjarnan – Valur, kl. 16.15 – handboltapassinn.
Staðan og næstu leikir í Olísdeildum.
Olísdeild karla, 17. umferð:
Vestmannaeyjar: ÍBV – Afturelding, kl. 14 – handboltapassinn.
Kórinn: HK – FH, kl. 16 – handboltapassinn.
Ásvellir: Haukar – KA, kl. 17 – handboltapassinn.
Grill 66-deild karla, 15. umferð:
Höllin Ak.: Þór – ÍR, kl. 16 – handboltapassinn.
Ísafjörður: Hörður – Valur U, kl. 16.30 – handboltapassinn.
Staðan og næstu leikir í Grill 66-deildum.
