Í kvöld er komið að annarri viðureign Fjölnis og Víkings í umspili Olísdeildar karla í handknattleik. Leikurinn fer fram í Dalhúsum i Grafarvogi og hefst klukkan 19.30.
Víkingar unnu fyrstu viðureignina sem fram fór í Safamýri á þriðjudaginn með sjö marka mun, 32:25. Leikmenn Fjölnis verða að ná fram hefndum í kvöld til þess að halda lífi í rimmunni. Vinna þarf þrjá leiki til þess að öðlast sæti í Olísdeild karla á næsta keppnistímabili.
Frábær stemning og fullt hús áhorfenda var á leiknum á þriðjudaginn í Safamýri. Vonandi verður svipað upp á teningnum í Dalhúsum í kvöld.
Umspil Olísdeildar karla, 2. leikur:
Dalhús: Fjölnir – Víkingur, (0:1) kl. 19.30.
Þeir sem ekki komast á leikinn geta fylgst með útsendingu á vegum Fjölnis á eftirfarandi slóð: https://play.spiideo.com/games/8aa12448-318b-411b-9262-5fa368cc4e53?fbclid=IwAR14vdLoGO1et05U8RDMyQO8R-V8LFy2jkq5-TvsP6N33uAlXS7Ua1w_a6o
Handbolti.is verður með textalýsingu úr Dalhúsum.
