- Auglýsing -
Áfram verður leikið í undanúrslitum Coca Cola-bikarsins í kvöld á Ásvöllum. Röðin er komin að undanúrslitum í kvennaflokki þar sem þrjú efstu lið Olísdeildar, Fram, Valur, KA/Þór verða í eldlínunni á Ásvöllum í Hafnarfirði í kvöld auk ÍBV sem ekki hefur tapað leik í keppni innanlands á árinu. Ef ekki er um að ræða uppskrift að spennu og skemmtun þá er hún varla til.
Frábær stemning var á Ásvöllum í undanúrslitum karla í gær og óhætt er að búast við að hún verði ekki minni í kvöld.
Til viðbótar er einn leikur á dagskrá í Grill66-deild karla í kvöld.
Coca Cola-bikar kvenna, undanúrslit:
Ásvellir: KA/Þór – Fram, kl. 18 – sýndur á RÚV2.
Ásvellir: Valur – ÍBV, 20.15 – sýndur á RÚV2.
Sigurliðin mætast úrslitaleik á laugardaginn kl. 13.30. Miðasala er á appinu Stubbur.
Grill66-deild karla:
Dalhús: Vængir Júpíters – Afturelding U, kl. 20.30.
Stöðu og næstu leiki í Grill66-deild karla er að finna hér.
- Auglýsing -
