Stórleikur verður að Varmá í dag þegar Afturelding og Grótta mætast í úrslitaleik umspils Olísdeildar kvenna í handknattleik. Flautað verður til leiks klukkan 16.
Liðin hafa tvo vinninga hvort eftir fjóra leiki. Grótta jafnaði metin með sigri á heimavelli á miðvikudaginn í hnífjöfnum leik. Úrslitin réðust í vítakeppni eftir 80 mínútna leik.
Grótta verður með ókeypis rútuferðir að Varmá. Lagt verður af stað klukkan 15 frá Hertzhöllinni. Nauðsynlegt er að skrá sig í rútuferðina fyrir klukkan 13. https://forms.gle/ZRwEFXRRx2cDLXVS8 eða á Facebook-síðu Gróttu handbolti.
Áður getur stuðningsfólk Gróttu komið saman við íþróttamiðstöðina á Nesinu, gætt sér á hamborgurum, lagt á ráðin og fengið helstu upplýsingar hjá þjálfaranum Sigurjóni Friðbirni Björnssyni fyrir átökin að Varmá.
Leikur dagsins
Umspil Olísdeildar kvenna, úrslit, oddaleikur:
Varmá: Afturelding – Grótta, kl. 16.
- Þeir sem ekki eiga þess kost að koma að Varmá geta fylgst með útsendingu á handboltapassanum eða textalýsingu á handbolti.is.
Umspil Olís kvenna: leikjadagskrá og úrslit
