Dagur bikarmeistari – Desbonnet var hetjan

Dagur Gautason varð í dag franskur bikarmeistari í handknattleik með Montpellier þegar liðið lagði PSG, 36:35, eftir vítakeppni í París. Leikurinn var afar jafn og spennandi frá byrjun til enda. Að loknum 60 mínútum var staðan jöfn 28:28, eftir að Montpellier var marki yfir í hálfleik, 17:16.

Rémi Desbonnet markvörður Montpellier tryggði liðinu fyrsta bikarinn í sjö ár þegar hann varði vítakast Yahia Omar í vítakeppninni.

Dagur var í leikmannahópi Montpellier en kom ekkert inn á leikvöllinn.