Handknattleiksdeild KA barst í dag gríðarlegur liðsstyrkur þegar Dagur Gautason skrifaði undir eins og hálfs árs samning við félagið. Hann er annar stóri liðaukinn sem KA fær í EM-hléinu því skömmu fyrir jól gekk Ágúst Elí Björgvinsson markvörður til liðs við KA.
Dagur sem er 25 ára gamall er einn besti vinstri hornamaður landsins og er í 35 manna EM hópi íslenska landsliðsins. Hann kallaður til í leikmannahóp landsliðsins á EM 2022 en kom ekkert við sögu þegar á hólminn var komið.
Dagur steig sín fyrstu skref í meistaraflokki KA tímabilið 2017-2018 er KA hóf aftur að leika undir eigin merki. Hann var strax í lykilhlutverki í liðinu sem tryggði sér sæti í deild þeirra bestu.
Noregur og Frakkland
Sumarið 2023 ákvað Dagur að hleypa heimdraganum og ganga til lið við norska úrvalsdeildarliðið ØIF Arendal og var hann valinn í úrvalslið norsku úrvalsdeildarinnar tímabilið 2023-2024. Í ársbyrjun í fyrra samdi Dagur til skamms tíma við franska liðið Montepellier og varð franskur bikarmeistari í vor áður en hann gekk á ný til liðs við ØIF Arendal.
KA sagði frá komu Dags í hádeginu.
Akureyri.net segir einnig frá komu Dags.
