Eins og e.t.v. máttu búast varð slagur íslensku þjálfaranna, Dags Sigurðssonar með landslið Króata og Arons Kristjánssonar með Barein, ójafn þegar sveitir þeirra mættust á heimsmeistaramótinu í handknattleik karla í Zagreb-Arena í kvöld. Króatar, vel studdir af áhorfendum voru með tögl og hagldir frá upphafi til enda. Þeir unnu með 14 marka mun, 36:22.
Ljóst virðist að Bareinar verði að stíla inn á góðan leik gegn Argentínu til þess að eiga möguleika á sæti í milliriðlum. Egyptar líta afar vel út. Þeir unnu Argentíumenn örugglega, 39:25, í fyrr viðureigninni í H-riðli í Zagreb.
Króatar voru átta mörkum yfir í hálfleik, 17:9. Mario Sostaric var markahæstur með átta mörk. Filip Glavas var næstur með fimm mörk. Eli Eid var markahæstur hjá Barein með átta mörk
