Landsliðskonurnar Andrea Jacobsen og Díana Dögg Magnúsdóttir ásamt samherjum sínum í þýska liðinu Blomberg-Lippe mæta danska liðinu Ikast Håndbold í undanúrslitaleik Evrópudeildarinnar í handknattleik 3. maí. Dregið var í dag.
Í hinni viðureign undanúrslita eigast við þýska liðið Thüringer HC og Dijon frá Frakklandi.
Sigurlið undanúrslitaleikjanna takast á í úrslitaleik sunnudaginn 4. maí. Taplið undanúrslitanna eigast við sama dag um bronsverðlaunin.
Leikið í Graz
Eins og undanfarin ár þá verður úrslitahelgi Evrópudeildar kvenna leikin í Raiffeisen Sportpark í Graz í Austurríki.
Íslenska handknattleikskonur hafa aldrei náð svo langt með félagsliði í Evrópudeildinni í handknattleik sem er næsta keppni fyrir ofan Evrópubikarkeppnina að styrkleika.
Norska liðið Storhamar vann Evrópudeildina á síðustu leiktíð. Akureyringurinn Axel Stefánsson var þá annar þjálfari liðsins.
Áfram eftir vítakeppni
Blomberg-Lippe komst í undanúrslit keppninnar eftir að hafa naumlega haft betur í tveimur leikjum við spænsku meistarana Super Mara Bera Bera. Vítakeppni þurfti til þess að knýja fram úrslit í síðari leiknum í Lemgo í Þýskalandi á sunnudaginn.
Talsvert þrekvirki var hjá Blomberg-Lippe að komast í gegnum síðari leikinn vegna þess að sökum meiðsla voru aðeins 13 leikmenn á skýrslu, þar af tveir markverðir.
Andrea og Díana taka þátt í úrslitahelgi Evrópudeildarinnar
Styttist í Díönu Dögg
Díana Dögg Magnúsdóttir hefur ekki leikið með Blomberg-Lippe síðan í lok janúar vegna ristarbrot. Hún væntir þess að fá grænt ljós frá læknum í vikunni til þess að hefja æfingar og keppni á nýja leik.
