Dregið verður í hádeginu á miðvikudaginn til undanúrslita í Powerdebikarnum í handknattleik karla og kvenna. Átta liða úrslitum í karlaflokki lauk á laugardaginn með maraþonleik ÍBV og FH. Vítakeppni þurfti til þess að knýja fram hreinar línur. ÍBV hafði betur í vítakeppninni.
Ásamt ÍBV eiga Afturelding, Fram og Stjarnan sæti í undanúrslitum í karlaflokki.
Leikir átta liða úrslita í kvennaflokki voru leiddir til lykta á fimmtudagskvöldið. Fram, Grótta, Haukar og Valur unnu sér sæti í undanúrslitum.
Leikið verður til undanúrslita og úrslita á Ásvöllum 26. og 27. febrúar.
Miðvikudagur 26. febrúar:
18.00: fyrri viðureign karla.
20.15: seinni viðureign karla.
Fimmtudagurinn 27. febrúar:
18:00: fyrri viðureign kvenna.
20:15: seinni viðureign kvenna.
Valur varð Poweradebikarmeistari í karla- og kvennaflokki á síðasta ári.
Flutt úr Laugardalshöll
Laugardalshöll stendur ekki lengur til boða fyrir viðburði af þessu tagi. Bikarvikan þótt taka of marga daga af æfingatímum barna í hverfinu nærri Höllinni. Engu að síður er mögulegt að halda landsfund Sjálfstæðisflokksins dögum saman í Laugardalshöll þá sömu daga og Poweradebikarinn fer fram, sennilega án þess að það komi niður á æfingatímum barna í hverfinu sem æfa íþróttir í Laugardalshöll á vegum félaga í hverfinu.
