Jóhannes Andri Hannesson t.h. ásamt Ágúst Bjarna Garðarssyni formanni handknattleiksdeildar FH. Ljósmynd/FH
- Auglýsing -
Markvörðurinn Jóhannes Andri Hannesson hefur skrifað undir sinn fyrsta meistaraflokkssamning við FH og gildir samningurinn fram á sumar 2027. Jóhannes Andri, sem fæddur er árið 2008, kemur úr yngri flokka starfi félagsins en hann á að baki 5 landsleiki fyrir yngri landslið Íslands.
„Jóhannes Andri er efnilegur markmaður sem á framtíðina fyrir sér en hann er núna kominn inn í æfingahóp og markmannsteymi meistaraflokks FH. Þar mun hann á tímabilinu þróa áfram sinn leik auk þess að leika með 3. flokki félagsins og venslaliðinu okkar, ÍH, í Grill 66 deildinni,“ er haft eftir Ágústi Bjarna Garðarssyni formanni handknattleiksdeildar FH í tilkynningu.
