Arnar Pétursson landsliðsþjálfari kvenna í handknattleik hefur valið þá 16 leikmenn sem taka þátt í fyrri viðureigninni við Ísrael í dag í forkeppni heimsmeistaramótsins. Ein breyting er á leikmannahópnum sem mætti færeyska landsiðinu í tveimur vináttuleikjum um síðustu helgi. Jóhanna Margrét Sigurðardóttir kemur inn í hópinn í stað Aldísar Ástu Heimisdóttur. Þær eru samherjar hjá sænska úrvalsdeildarliðinu Skara HF.
Aldís Ásta meiddist á æfingu landsliðsins í gær.
Viðureign landsliða Íslands og Ísrael hefst klukkan 15 á Ásvöllum í dag og er frítt inn í boði Arionbanka. Síðari leikurinn í forkeppninni verður á sama tíma og stað á morgun. Samanlögð úrslit leikjanna tveggja ræður hvort liðanna kemst á næsta stig undankeppni HM sem fram fer í apríl.
Íslenska landsliðið sem tekur þátt í leiknum í dag er skipað eftirtöldum leikmönnum.
Markverðir:
Hafdís Renötudóttir, Fram (38/2).
Sara Sif Helgadóttir, Val (5/0).
Aðrir leikmenn:
Andrea Jacobsen, EH Aalborg (33/38).
Þórey Rósa Stefánsdóttir, Fram (115/332).
Rut Arnfjörð Jónsdóttir, KA/Þór (110/237).
Perla Ruth Albertsdóttir, Fram (26/36).
Sandra Erlingsdóttir, Tus Metzingen (14/48).
Rakel Sara Elvarsdóttir, Volda (7/4).
Thea Imani Sturludóttir, Val (56/87).
Sunna Jónsdóttir, ÍBV (69/53).
Díana Dögg Magnúsdóttir, BSV Sachsen Zwickau (34/38).
Steinunn Björnsdóttir, Fram (40/42).
Jóhanna Margrét Sigurðardóttir, Skara HF (3/7).
Lilja Ágústsdóttir, Val (2/0).
Katrín Tinna Jensdóttir, Volda (5/2).
Elín Klara Þorkelsdóttir, Haukum (2/1).
- Unnur Ómarsdóttir, KA/Þór, og Hildigunnur Einarsdóttir, Val, eru í æfingahópnum sem valinn var fyrir leikina. Þær eru meiddar.
- Ethel Gyða Bjarnesen, ungur markvörður HK, situr hjá í dag ásamt Aldísi Ástu Heimisdóttur sem áður er getið.
