IFK Kristianstad, sem Einar Bragi Aðalsteinsson leikur með, er úr leik í átta liða úrslitum úrslitakeppni sænsku úrvalsdeildarinnar. Liðið tapaði í þriðja sinn fyrir Hammarby í kvöld, 31:28, á heimavelli í þriðju viðureign liðanna í átta liða úrslitum.
Á sama tíma tók IK Sävehof forystu í rimmu sinni við HF Karlskrona í átta liða úrslitum. Sävehof hefur tvo vinninga en Karlskrona einn og vantar Sävehof aðeins einn vinning til viðbótar.
Einar Bragi skoraði tvö mörk fyrir IFK Kristianstad í síðasta leik liðsins á leiktíðinni.
Tryggvi Þórisson skoraði eitt mark fyrir Sävehof sem á heimaleik í næstu viðureigninni við Karlskrona liðið á fimmtudaginn.
Ólafur Andrés Guðmundsson skoraði þrisvar fyrir HF Karlskrona. Dagur Sverrir Kristjánsson var í leikmannahópi liðsins en var ekki á meðal þeirra sem skoraði. Phil Döhler markvörður var einnig í leikmannahópi Karlskrona.
