Einu liði færra verður í Grill 66-deild kvenna á næstu keppnistímabili en var á þeirri síðustu. Lið Berserkja hefur helst úr lestinni eftir að hafa verið með tvær undanfarnar leiktíðir.
Vegna þess að aðeins níu lið eru skráð til leiks situr eitt lið hjá í hverri umferð.
Sú breyting verður á að leikin verður þreföld um í stað tveggja en nokkuð hefur verið kallað eftir því síðustu ár að fjölga leikjum deildarinnar. Af þessu leiðir að hvert lið leikur 24 sinnum í stað 16 leikja eins og verið hefði með tvöfaldri umferð. Fyrir vikið verður meiri samfella í keppni deildarinnar auk þess sem keppni hefst hálfum mánuði fyrr en undanfarin ár. Fyrsta umferðin verður 7. september og sú síðasta 22. mars.
Áfram fara leikir deildarinnar oftast fram á sunnudögum.
Auk þess sem Bersrkir verða ekki með þá höfðu Grótta og KA/Þór sætaskipti. KA/Þór vann Grill 66-deildina í vor en Grótta féll úr Olísdeildinni.
Fyrstu tvær umferðir Grill 66-deildar kvenna:
1. umferð – 7. september:
Haukar 2 – HK
Afturelding – Valur 2.
Fram 2 – Víkingur.
Fjölnir – Grótta.
2. umferð – 14. september:
Valur 2 – Haukar 2.
Grótta – Fram 2.
FH – Fjölnir.
Víkingur – Afturelding.
