- Auglýsing -
Ekkert verður af því að Ingvar Heiðmann Birgisson styrki lið KA á komandi leiktíð í Olísdeild karla eins og vonir stóðu til. Ingvar sleit krossband á æfingu fyrir nokkrum vikum á einni af sínum fyrstu æfingum með KA. Handkastið greinir frá óláni Ingvars í dag.
Ingvar Heiðmann tók fram handboltaskóna í sumar og samdi við uppeldisfélag sitt, KA. Níu ár eru síðan hann lék síðast fyrir lið í efstu deild karla, þá sem liðsmaður ÍR. Í millitíðinni hafði Ingvar ekki slegið slöku við og m.a. lagt stund á crossfit, eftir því sem fram kom í tilkynningu KA í júní vegna væntanlegra komu hans til félagsins.
Ljóst er að Ingvar, sem er þrítugur, verður a.m.k. ár frá keppni vegna krossbandsslitsins.
- Auglýsing -
