- Auglýsing -
Úrslitakeppni Olísdeildar karla hefst í kvöld og er hún leikin með nýju sniði þetta árið vegna þess hversu mjög er liðið á keppnisárið og að margra mati ekki forsvaranlegt að teygja lopann fram yfir mitt sumar með hefðbundinni úrslitakeppni.
Leikið verður heima og að heiman í hverri umferð þar sem efra liðið í Olísdeildinni á síðari leikinn á heimavelli. Einungis verða leiknar 60 mínútur í hverjum leik. Ekki verður boðið upp á framlengingu og aðeins verður gripið til vítakeppni til að knýja fram úrslit þegar öll önnur sund hafa lokast.
Ef liðin hafa jafnmörg stig eftir tvo leiki skal vinningsröð liða ákveðin í þessari röð:
a) markamismunur.
b) fleiri mörk skoruð á útivelli.
c) vítakastkeppni.
- Auglýsing -
