Elín Klara skoraði flest mörk í Olísdeildinni

Elín Klara Þorkelsdóttir, leikstjórnandi Hauka og landsliðskona, varð markahæst í Olísdeild kvenna en keppni í deildinni lauk á laugardaginn. Hún skoraði 142 mörk í 21 leik deildarinnar eða 6,76 mörk að jafnaði í leik. Elín Klara skoraði níu mörkum fleiri en Þórey Anna Ásgeirsdóttir úr Val sem lék einum leik færra. Þórey Anna skoraði að meðaltali 6,65 mörk í leik eða alls 133 í 20 viðureignum.

Karen Tinna Demian, leikmaður nýliða ÍR, varð þriðja í röðinni með 125 mörk. Karen Tinna lék 18 leiki og skoraði þar með 6,94 mörk að jafnaði í leik.

Þetta er í fyrsta sinn sem Elín Klara verður markadrottnig Olísdeildar. Hún varð þriðja á síðasta ári með 136 mörk á eftir Kötlu Maríu Magnúsdóttur, Selfossi, og Hrafnhildi Hönnu Þrastardóttir, ÍBV. Hanna varð markadrottning Olísdeildar í fjórða sinn í fyrra. Hún lék ekki með ÍBV í vetur vegna meiðsla.

Samkvæmt tölfræðiveitunni HBStatz var Elín Klara einnig besti leikmaður Olísdeildar.

Neðantaldar skoruðu 60 mörk eða fleiri í Olísdeild kvenna leiktímabilið 2023/2024:

Tengdar fréttir:

Markahæst í deildinni í fjórða sinn – samherjarnir eiga hlut að máli

Markadrottning Olísdeildar: Geggjað að hafa náð þessu markmiði

Ragnheiður markadrottning – hugsa frekar um nýtingu en fjölda marka