Markahæst í deildinni í fjórða sinn – samherjarnir eiga hlut að máli

„Þetta er fyrst og fremst gaman en maður nær ekki svona áfanga nema að vera í góðu liði. Það þarf að leika mann uppi. Samherjarnir eiga sinn þátt í þessu með mér,“ sagði Hrafnhildur Hanna Þrastardóttir liðsmaður bikar- og deildarmeistara ÍBV sem er markahæsti leikmaður Olísdeildar kvenna á þessu keppnistímabili.

Hanna skoraði 167 mörk, átta fleiri en Katla María Magnúsdóttir leikmaður Selfoss. Þar á eftir er Elín Klara Þorkelsdóttir, Haukum, með 136 mörk. Helena Rut Örvarsdóttir úr Stjörnunni varð í fjórða sæti. Hún skoraði 129 mörk, ekkert þeirra úr vítakasti, ólíkt þremur efstu.

Í fyrsta sinn í sex ár

Þetta er í fjórða sinn sem Hanna verður markadrottning Olísdeildar. Hún varð markahæst þrjú ár í röð, 2015, 2016 og 2017 með uppeldisfélagi sínu, Selfossi.

Hanna hefur sótt jafnt og þétt í sig veðrið á keppnistímabilinu og hefur hreinlega verið óstöðvandi síðustu vikurnar en meiðsli fyrir tveimur árum settu strik í reikninginn.

Persónulegur sigur

„Ég er að finna mig sjálfa aftur inni á vellinum. Það er virkilega gaman og mikill persónulegur sigur eftir öll mín meiðsli að vera komin á þann stað sem ég á um þessar mundir. Tímabilið hefur verið ótrúlega skemmtilegt tímabil hjá okkur til þessa en sá stóri er eftir. ÍBV-liðið er mjög skemmtilegt lið skipað mjög samhentum leikmönnum. Við höldum hverri annarri á tánum. Það hefur skilað sér inni á vellinum,“ sagði Hrafnhildur Hanna Þrastardóttir þegar handbolti.is hitti hana að máli í dag.

Hér fyrir neðan er listi með þeim sem skoruðu 50 mörk eða fleiri í Olísdeild kvenna á leiktíðinni.

Markahæstar í Olísdeild kvenna 2021/2022.

Markahæstar í Olísdeild kvenna 2020/2021.

Kapphlaupið um………

Lokastaðan í Olsdeild kvenna 2022/2023.