Elvar Örn Jónsson og félagar í MT Melsungen leika til úrslita í þýsku bikarkeppninni gegn THW Kiel. MT Melsungen vann Balingen, 31:27, í undanúrslitum í Lanxess Arena í Köln. THW Kiel vann Rhein-Neckar Löwen, 32:31, eftir framlengingu í hinni viðureign undanúrslitanna fyrr í dag.
Elvar Örn skoraði eitt mark fyrir MT Melsungen. Hann átti einnig tvær stoðsendingar. Erik Balenciaga var markahæstur með sex mörk. Arnar Freyr Arnarsson er ennþá úr leik vegna meiðsla.
Daníel Þór Ingason skoraði tvisvar sinnum fyrir Balingen-Weilstetten sem var einu marki undir í hálfleik, 15:14. Robert Timmermeister og Sascha Pfattheicher voru markahæstir. Þeir skoruðu sex mörk hvor.
MT Melsungen lék einnig til úrslita í þýsku bikarkeppninni á síðasta ári en tapaði fyrir SC Magdeburg.
Úrslitaleikurinn hefst klukkan 13.45 á morgun í Lanxess Arena í Köln.
