Elvar Þór verður áfram í Grafarvogi

Elvar Þór Ólafsson hefur gert nýjan samning um að leika áfram með meistaraflokksliði Fjölnis. Elvar hefur verið burðarás Fjölnis í nokkur ár. Hann skoraði 32 mörk í 18 leikjum í Olísdeildinni en var um skeið frá vegna meiðsla.

Fjölnir leikur í Grill 66-deild karla á næsta keppnistímabili undir stjórn Guðmundar Rúnars Guðmundssonar sem nýverið var ráðinn aðalþjálfari meitaraflokks karla.

„Það gleður okkur að þessi uppaldi strákur hafi gert nýjan samning,“ segir í tilkynningu frá handknattleiksdeild Fjölnis.