Piltarnir í 18 ára landsliðinu verða í riðli með Svíum, Spánverjum og Norðmönnum í átta liða úrslitum Evrópumótsins. Landslið Svíþjóðar og Spánar unnu D og E-riðlana og norska landsliðið skaut Króatíu og Frakklandi ref fyrir rass með besta árangur þeirra sem höfnuðu í öðru sæti í A, B og C-riðlum.
Fyrsti leikur íslenska landsliðsins verður á mánudaginn við landslið Svía. Daginn eftir verður leikið við Spánverja og loks gegn frændum okkar frá Noregi á fimmtudaginn.
Í hinum riðli átta liða úrslita verða Serbía, Þýskaland, Danmörk og Ungverjaland.
Liðin hefja riðlakeppni átta liða úrslita án stiga.
Að lokinni riðlakeppninni verður krossspil á milli riðlanna á föstudaginn. Tvö efstu liðin úr hvorum riðli leika til undanúrslit og tvö þau neðri leika í krossspili um sæti fimm til átta. Leikið verður um sæti eitt til átta á sunnudaginn 18. ágúst.
Leikjadagskrá Íslands í riðlakeppni átta liða úrslita:
Mánudagur 12. ágúst.
Ísland - Svíþjóð, kl. 10.
Þriðjudagur 13. águst.
Ísland - Spánn, kl. 12.30.
Fimmtudagur 15. ágúst.
Ísland - Noregur, kl. 12.30.
- Leiktímar eru miðaðir við klukkuna á Íslandi.
Um leið og staðfestir leiktímar verða gefnir út verður ofangreind dagskrá uppfærð.
Krossspil föstudaginn 16. ágúst, frídagur laugardaginn 17. ágúst, leikið um sæti sunnudaginn 18. ágúst.
EM18: Þriðji sigurinn hjá piltunum í Podgorica
EMU18 karla: Leikir, úrslit og staðan, riðlakeppni
