Endurkoma Herrem – Meistaradeildin er hafin

Keppni í Meistaradeild kvenna í handknattleik fór af stað um nýliðna helgi með átta viðureignum, fjórum í hvorum riðli. Einna mesta athygli vakti norska handknattleikskonan Camilla Herrem sem lék með Sola gegn HC Podravka. Herrem lauk krabbameinsmeðferð 25. ágúst og lék sinn fyrst leik í Meistaradeildinni í átta ár. Hún sló ekki af og skoraði m.a. fimm mörk og lék stærsta hluta leiktímans.
^{(Valdir kaflar úr leik HC Podravka og Sola og eru neðar í þessari grein).}

Evrópumeistarar Györi unnu stórsigur á Borussia Dortmund í Þýskalandi, 43:30, í markaveislu.

Liðin sem léku um bronsverðlaunin í úrslitahelgi Meistaradeildar í Búdapest í byrjun júní, Esbjerg og Metz, mættust í háspennuleik á vesturströnd Jótlands. Frönsku meistararnir unnu með eins marks mun, 30:29.

Jesper Jensen fyrrverandi landsliðsþjálfari Danmerkur stýrði ungverska liðinu FTC í fyrsta sinn á heimavelli í Meistaradeildinni gegn dönsku meisturunum Odense. Jensen og liðskonur töpuðu með tveggja marka mun fyrir silfurliði Meistaradeildarinnar í vor.

Herrem mætti til leiks

Mesta athylgi vakti endurkoma Camillu Herrem en aðeins er hálfur mánuður síðan hún lauk lyfjameðferð að sinni vegna vegna krabbameins sem hún greindist með í júní. Hún lék með norska liðinu Sola gegn HC Podravka í Króatíu. Herrem skoraði fimm mörk í tapi Sola sem fékk sæti í Meistaradeildinni eftir að þýska liðið Ludwigsburg varð gjaldþrota.

^{Hér fyrir neðan eru valdi kaflar úr leik HC Podravka og Sola þar sem m.a. má sjá Herrem skora glæsilegt mark eftir hraðaupphlaup.}

A-riðill:

BV Borussia Dortmund – Györi Audi ETO KC 30:43 (15:20).
^{Lois Abbingh 7 – Bruna de Paula 7, Dione Housheer 7.}

Team Esbjerg – Metz Handball 29:30 (15:15).
^{Nora Mørk 8 – Petra Vamos 7.}

OTP Group Buducnost – DVSC Schaeffler 24:25 (11:10).
^{Itana Grbic 7 – Océane Sercien-Ugolin 5, Petra Tóvizi 5.}

Gloria Bistrita – Storhamar Handball 29:26 (15:12)
^{Asuka Fujita 8 – Veronika Mala 7.}

B-riðill:

Ikast Håndbold – CSM Bucuresti 28:27 (17:12).
^{Emilie Hegh Arntzen 7, Jamina Roberts 7 – Elizabeth Omoregie 7.}

FTC-Rail Cargo Hungaria – Odense Håndbold 32:34 (16:18).
^{Emily Vogel 8, Katrin Klujber 8 – Ingvild Bakkerud 7.}

HC Podravka – Sola HK 31:26 (15:11).
^{Matea Pletikosic 13 – Kristiane Knutsen 6, Camilla Herrem 5.}

Brest Bretagne Handball – Krim Mercator 32:20 (13:9).
^{Markahæstar: Onacia Ondono 6, Annika Lott 6/7 (Brest Bretagne – Ana Abina 4/7.}