Enn eru fimm sæti laus á HM

Eftir að Bandaríkin tryggðu sér sæti á heimsmeistaramóti karla í handknattleik í gærkvöld liggja nöfn 27 þátttökuþjóða fyrir þegar rétt rúmur sólarhringur er þangað til dregið verður í riðla heimsmeistaramótsins sem haldið verður í Póllandi og Svíþjóð 11. – 29. janúar á næsta ári. Bandaríkin taka sæti í fjórða og neðsta styrkleikaflokki.

Afríka á fimm sæti í keppninni en hvaða lönd hreppa sætin liggur ekki fyrir. Margskonar erfiðleikar hafa komið í veg fyrir að hægt hafi verið að halda Afríkukeppni landsliða á þessu ári. Til stendur að Afríkukeppnin hefjist 11. júlí í Egyptalandi.

Hér fyrir neðan eru styrkleikaflokkarnir fyrir dráttinn á morgun en eitt lið úr hverjum flokki verður dregið í hvern riðil en alls verða riðlarnir átta með fjórum liðum í hverjum.

1. flokkur:	2. flokkur:	3. flokkur:	4. flokkur:
Danmörk	Katar	Serbía	Úrúgvæ
Svíþjóð	Króatía	Argentína	Afríka4
Spánn	Belgía	Ungv.land	Afríka5
Frakkland	Brasilía	Barein	Íran
Noregur	Portúgal	S.Arabía	Suður Kórea
Ísland	Pólland	Afríka2	Bandaríkin
Þýskaland	Svartfj.land	Chile	Slóvenía
Afríka1	N.Makedónía	Afríka3	Holland