„Ég er stoltur af okkur. Við erum að uppskera eins og við höfum sáð til,“ sagði Einar Jónsson þjálfari Fram eftir að liðið tryggði sér sæti í úrslitum um Íslandsmeistaratitilinn í kvöld með því að vinna Íslandsmeistara síðasta árs, FH, í tvíframlengdum spennutrylli í Lambhagahöllinni, 34:33. Fram hefur ekki leikið í úrslitum um Íslandsmeistaratitilinn í karlaflokki í 12 ár.
„Við erum ekki í úrslitum um Íslandsmeistaratitilinn á hverju ári en þangað stefndum við fyrir tímabilið og reyndar meira en það,“ sagði Einar og ljóst má vera að hann og leikmenn ætla sér ekki að láta nægja að leika til úrslita heldur vinna titilinn.
Óvíst er hvort Valur eða Afturelding verður andstæðingur Fram í fyrsta úrslitaleiknum þriðjudaginn 13. maí.
„Mikil vinna undanfarinna ára hefur skilað okkur á þennan stað. Við höfum ekki keypt dýra leikmenn heldur reynt að byggja á okkar mannskap,“ sagði Einar Jónsson þjálfari karlaliðs Fram.
Lengra viðtal er við Einar í myndskeiði hér fyrir ofan.
Arnór Máni var hetja Fram – varði vítakast í lok annarrar framlengingar
Olís karla: Leikjadagskrá, úrslitakeppni 2025
