Danska handknattleiksliðið Team Esbjerg, eitt fremsta lið Evrópu í handknattleik kvenna, sér ástæðu til þess af gefnu tilefni að hvetja félagsmenn til að gæta að orðum sínum. Er þetta gert vegna þess að einhverjir hafa farið yfir langt yfirstrikið í skrifum á samfélagsmiðlum félagsins og hefur ástandið í þeim efnum versnað á síðustu mánuðum.
Félagið áréttar að áhugi, umræður og gagnrýni séu velkomin en að persónuárásir og niðrandi ummæli eigi ekki heima þar, óháð úrslitum.
Esbjerg hefur um árabil átt allra besta félagslið Evrópu í kvennahandknattleik.
„Leikmenn, þjálfarar og stjórn Team Esbjerg eru fyrst og fremst fólk. Fólk sem vinnur samviskulega fyrir félagið á hverjum degi. Þetta fólk á fjölskyldur og aðstandendur sem fylgjast einnig með.
Þess vegna höfum við hjá Team Esbjerg ákveðið að vera skýr:
- Gagnrýni og umræður eru vel þegnar.
- Ágreiningur er í góðu lagi.
- Orðaval skiptir máli.
Rétt eins og leikreglur gilda á vellinum höfum við líka gildi um það hvernig við tölum saman utan vallar. Það snýst um virðingu, samfélag og ábyrgð – líka þegar tilfinningarnar eru miklar.
Við erum öll hér af sömu ástæðu:
- Að skapa upplifun, þróa félagið og kynna handbolta á heimsmælikvarða,“ segir m.a. í tilkynningu félagsins.
Fyrr í mánuðinum ákvað spænska handknattleikssambandið að kæra kynþáttaníð á samfélagsmiðlum sambandsins til lögreglu:
Spánverjar kæra kynþáttaníð sem landsliðið varð fyrir á HM
