Fram leikur í kvöld fyrsta leik sinn af sex í riðlakeppni 32-liða úrslita Evrópudeildarinnar í handknattleik karla. Íslands- og bikarmeistararnir taka á móti FC Porto í Lambhagahöllinni kl. 18.45. Með FC Porto leikur Mosfellingurinn og landsliðsmaðurinn Þorsteinn Leó Gunnarsson en liðið varð í öðru sæti í portúgölsku deildinni á síðasta tímabili og mátti einnig gera sér að góðu að hafna í öðru sæti í bikarkeppninni.
FC Porto kom hingað til lands fyrir ári og mætti Val í fyrstu umferð riðlakeppninnar. Lyktaði leik liðanna með jafntefli, 27:27, í Kaplakrika.
Auk Fram og Porto eiga Elverum frá Noregi og HC Kriens-Luzern frá Sviss sæti í D-riðli Evrópudeildarinnar.
Leikur Fram og FC Porto hefst klukkan 18.45 í Lambhagahöllinni í Úlfarsárdal. Útsending frá leiknum verður hjá Livey.
Miðasala leik Fram og FC Porto fer fram á stubb.is.
Leikir Fram í riðlakeppni Evrópudeildar:
14. október: Fram - FC Porto, kl. 18.45.
21. október: Fram - Elverum, kl. 18.45.
11. nóvember: HC Kriens-Luzern - Fram, kl. 17.45
18. nóvember: Fram - HC Kriens-Luzern, kl. 19.45.
25. nóvember: FC Porto - Fram, kl. 19.45.
2. desember: Fram - Elverum, kl. 17.45.
