Færeyska karlalandsliðið í handknattleik kom til Skopje í Norður Makedóníu upp úr klukkan 23 í kvöld, rúmum sólarhring síðar en upphaflega stóð til. Þetta kemur fram í frétt Portal á tólfta tímanum í kvöld.
Myndir: Landsliðið loksins komið til Skopje
Svartaþoka við flugvöllinn í Vogum setti strik í reikninginn en loksins um klukkan 15 í komst liðið af stað frá Vogum til Billund í Danmörku þar sem einkaflugvél beið hópsins. Útilokað var að treysta á annað flug frá Danmörku til þess að komast í tíma til tíma fyrir viðureignina við Norður Makedóníu í umspili HM síðdegis á morgun.
Til stóð að fara frá Færeyjum um miðjan dag á föstudaginn og áfram til Kaupmannahafnar og áfram með einni millilendingu í Vínarborg áfram til Skopje.
Á morgun mæta Færeyingar Norður Makedóníumönnum í síðari leik umspils um sæti á HM 2025. Færeyska landsliðið vann fyrri leikinn á heimavelli með sjö marka mun, 34:27, á heimavelli á miðvikudaginn.
Sjá einnig:
Loksins komust Færeyingar í loftið – einkavél bíður í Billund
Færeyska landsliðið situr fast í svartaþoku – óvissa um Skopjeferð
