Fámennt á einu æfingunni í Tel Aviv – myndasyrpa

Hluti af íslenska landsliðshópnum er kominn til Tel Aviv þar sem hann mætir landsliði Ísraels í undankeppni EM karla síðdegis á morgun. Þeir sem mættir eru æfðu í keppnishöllinni í hádeginu en ljóst er að allur íslenski hópurinn nær ekki að æfa saman fyrir leikinn.

Nokkrir leikmenn koma til landsins í kvöld, þá þeir sem voru að leika með félagsliðum sínum seinni hluta dagsins í gær.

Meðfylgjandi eru nokkrar myndir sem Kjartan Vídó Ólafsson, markaðsstjóri Handknattleikssambands Íslands, smellti af á æfingunni í hádeginu og veitti handbolta.is góðfúslegt leyfi til að birta.

Leikur Íslands og Ísrael hefst klukkan 17.30 á morgun og verður í beinni útsendingu hjá RÚV.

1 of 14