Fer frá Gróttu til Fram

Tinna Valgerður Gísladóttir, markahæsti leikmaður Gróttu í Grill 66-deildinni á keppnistímabilinu hefur ákveðið að ganga til liðs við Fram. Í tilkynningu frá handknattleiksdeild Fram segir að Tinna Valgerður hafi skrifað undir tveggja ára samning við félagið.

Tinna Valgerður, sem er 21 árs örvhent skytta og hornamaður, var fjórði markahæsti leikmaður Grill 66-deildarinnar á nýliðinu tímabili með 100 mörk í 16 leikjum. Hún hefur allt fram til þessa aðeins leikið með Gróttu.