Fór úr Aftureldingu til Fram

Handknattleiksmarkvörðurinn Ástrós Anna Bender hefur yfirgefið Aftureldingu í Mosfellsbæ og ákveðið að reyna fyrir sér hjá Íslands-, bikar-, og deildarmeisturum Fram á leiktíðinni sem hefst í Olísdeildinni eftir viku.

Ástrós Anna hefur leikið með Aftureldingarliðinu síðustu tvö ár og var í hópnum sem fór upp úr Grill 66-deildinni vorið 2019.Hún lék upp yngri flokkana með HK en skipti svo um skeið yfir til Vals áður en hún fór til Danmerkur til náms. Frá Danmörku fór hún til Aftureldingar. Nú er Ástrós kominn til Safamýrarliðsins þar sem fyrir eru sterkir markverðir, m.a. Hafdís Renötudóttir, landsliðsmarkvörður.