Fjölnir gerði sér lítið fyrir og vann Stjörnuna, 38:35, í 16-liða úrslitum Poweradebikarkeppninnar í handknattleik karla í kvöld. Fjölnismenn, sem eiga sæti í Grill 66-deildinni og hafa aðeins unnið einn leik til þessa í deildinni, verða þar eina liðið utan Olísdeildarinnar sem á sæti 8-liða úrslitum.
Fjölnir var sterkari í viðureigninni í Fjölnishöllinni frá byrjun til enda. Staðan var 20:15 í hálfleik. Allan síðari hálfleikinn var forskotið Fjölnismegin.
Stjarnan getur þar með alfarið einbeitt sér að Olísdeildinni á leiktíðinni.
Mörk Fjölnis: Aðalsteinn Örn Aðalsteinsson 9, Viktor Berg Grétarsson 7, Þorleifur Rafn Aðalsteinsson 6, Victor Máni Matthíasson 5, Alex Máni Oddnýjarson 4, Heiðmar Örn Björgvinsson 2, Óli Fannar Pedersen 2, Kristján Ingi Kjartansson 2, Darri Þór Guðnason 1.
Varin skot: Bergur Bjartmarsson 12.
Mörk Stjörnunnar: Starri Friðriksson 11, Hans Jörgen Ólafsson 5, Ísak Logi Einarsson 5, Benedikt Marinó Herdísarson 4, Jón Ásgeir Eyjólfsson 3, Gauti Gunnarsson 3, Patrekur Þór Guðmundsson Öfjörð 2, Jóel Bernburg 1, Pétur Árni Hauksson 1.
Varin skot: Sigurður Dan Óskarsson 10, Baldur Ingi Pétursson 1.
Tölfræði leiksins hjá HBStatz.
