Íslands- og bikarmeistarar Fram töpuðu sjötta og síðasta leik sínum í riðlakeppni Evrópudeildarinnar í handknattleik í kvöld þegar þeir sóttu Elverum heim. Fjórtán marka munur var á liðunum þegar upp var staðið, 38:24. Þegar fyrri hálfleikur var að baki stóðu leikar, 23:11.
Framarar náðu sér aldrei á strik gegn norsku meisturunum. Snemma skildu leiðir og leikmenn Elverum léku eins og þeir sem valdið hafa.
Sigurinn skilaði Elverum áfram í 16-liða úrslit keppninnar ásamt Porto úr D-riðli keppninnar. Porto vann öruggan sigur HC Kriens Luzern, 44:25, þegar leikið var í Sviss. Þorsteinn Leó Gunnarsson lék ekki með Porto vegna meiðsla.
HC Kriens-Luzern situr þar með eftir ásamt Fram. Luzern-liðið varð tveimur stigum á eftir Elverum í þriðja sæti.
Mörk Fram: Max Emil Stenlund 8, Viktor Sigurðsson 6, Dánjal Ragnarsson 3, Ívar Logi Styrmisson 2, Kristófer Tómas Gíslason 2, Theodór Sigurðsson 1, Eiður Rafn Valsson 1, Erlendur Guðmundson 1.
Varin skot: Breki Hrafn Árnason 8, 23% – Arnór Máni Daðason 0.
– Tryggi Þórisson var ekki á meðal þeirra sem skoraði mark fyrir Elverum.
