Flautað til leiks eftir Evrópumótið

Flautað verður til leiks á ný í dag í Meistaradeild kvenna að loknu hléi vegna Evrópumeistaramótsins sem fór fram í síðasta mánuði. Tveir athyglisverðir leikir eru á dagskrá um helgina milli liða frá nágrannaríkjunum, Rúmeníu og Ungverjalandi.

Á dag mætir Rapid Búkarest í heimsókn til Györ í Ungverjalandi. Rúmenska liðið er það eina taplausa í keppninni til þessa.  Síðan tkur CSM Búkaresti á móti FTC á sunnudaginn en það er leikur umferðarinnar hjá EHF.

Staðan:

Leikir dagsins

A-riðill:

Banik Most – Vipers | Kl. 15.00 | Beint á EHFTV

• Banik Most er annað af tveimur liðum sem tókst að fá stig í riðlakeppninni í sex fyrstu umferðunum.
• Tékkneska liðið hefur fengið flest mörk á sig í riðlakeppninni, 246, 32 mörkum meira en næsta lið.
• Banik Most hefur nú tapað níu leikjum í röð þegar litið er til þátttökuliðsins í keppninni á síðustu árum.
• Vipers hefur aðeins unnið einn af síðustu þremur leikjum sínum í riðlinum og er jafnt Bietigheim og CSM Búkaresti með níu stig.

B-riðill:

Lokamotiva Zagreb – Esbjerg |Kl. 15.00 | Beint á EHFTV

• Leikmenn Lokomotiva dreymir um sinn fyrsta sigur í Meistaradeild kvenna en á tveimur leiktíðum hefur liðið tapað tíu leikjum og gert tvö jafntefli.
• Esbjerg hefur unnið tvo leiki í röð og vonast til að bæta þeim þriðja við í dag.
• Heimakonur áttu fjóra leikmenn og þjálfara á EM kvenna. Frá Esbjergliðinu voru átta leikmenn og þjálfarar á EM,  þar af fimm í liði Evrópumeistara Noregs.
• Liðin tvö hafa bestu og verstu skotnýtinguna í riðlakeppninni. Esbjerg er með 68,5% skotnýtingu á meðan Lokomotiva 48,3%.
• Þetta verður í fyrsta sinn sem þessi lið mætast.

Metz – Kastamonu | Kl.17.00 | Beint á EHFTV

• Tyrkneska liðið, Kastamonu, hefur aðeins náð að vinna einn leik á þessari leiktíð í Meistaradeild kvenna.
• Metz hefur hins vegar aðeins tapað einum leik í keppninni á tímabilinu.
• Sóknarleikur franska liðsins er sá fjórði besti ef marka má tölfræðina. Metz er með 65,2% sóknarnýtingu en tyrkneska liðið er hins vegar með 55,6%.
• Liðin hafa mæst tvisvar sinnum áður og hefur Metz unnið í bæði skiptin.

Buducnost – Storhamar | Kl. 17.00 | Beint á EHFTV

• Forráðarmenn Buducnost vonast til að sá fjöldi sem kom á heimaleiki Svartfjallalands á EM kvenna láti einnig sjá sig á viðureigninni við Storhamar.
• Níu leikmenn Buducnost voru í bronsliði Svartfjallalands á EM kvenna en það eru fyrstu verðlaun Svartfellinga á stórmóti i handknattleik kvenna í 10 ár.
• Storhamar var með einn leikmann í sigurliði Noregs á EM, línukonuna Ane Cecilie Høgseth.
• Bæði lið hafa unnið tvo leiki í riðlinum til þessa.
• Storhamar verða án Line Ellertsen í þessum leik vegna meiðsla en endurheimta hins vegar Ønnu Jakobsen.
• Þetta er þriðja sinn sem lið þessara félaga mætast.
• Axel Stefánsson fyrrverandi landsiðsþjálfari kvenna og áður leikmaður m.a. Vals og Þórs, er annar þjálfara Storhamar.
  
  
  

Györ – Rapid Búkaresti | Kl. 17.00 | Beint á EHFTV

• Ungverska liðið hefur sigrað í þremur leikjum í röð eftir að hafa tapað fyrir Metz í þriðju umferð. Rapid hefur hins vegar ekki enn tapað leik í riðlinum.
• Stine Bredal Oftedal leikmaður Györ var valin í úrvalslið EM kvenna á dögunum. Hún leiddi lið Noregs til níunda Evrópumeistaratitilsins.
• Rapid Búkaresti átti flesta fulltrúa á EM kvenna eða 11 talsins.
• Þetta verður í fyrsta sinn sem þessi lið mætast.
• Hollenska handknattleikskonan Estvana Polman gekk til liðs við Rapid í vikunni.