Bjarki Már Elísson bauð upp á flugeldasýningu í kvöld þegar hann skoraði 15 mörk í 15 skotum er Lemgo tók á móti franska liðinu Nantes í Evrópudeildinni í handknattleik. Bjarka Má héldu bókstaflega engin bönd, hann var hreint ótrúlegur í jafnteflisleik, 37:37.
Most goals in a single match in the EHF Cup/European League since 2005/06:
— Rasmus Boysen (@RasmusBoysen92) February 22, 2022
19: Boris Schnuchel🇩🇰 (12/13)
17: Utku Ergünder🇹🇷 (05/06)
16: Alexandr Lupasco🇲🇩 (12/13)
16: Mait Patrail🇪🇪 (06/07)
16: Agustin Casado🇪🇸 (21/22)
🆕15: @bjarkiel4🇮🇸 (21/22)
+Several others with 15 goals
Vinstri hornamaður Nantes, Spánverjinn Valero Rivera skoraði 11 mörk, í markaveislunni sem boðið var upp á í Lemgo í kvöld. Nantes var þremur mörkum yfir í hálfleik, 20:17. Bæði lið voru fyrir leikinn í kvöld komin áfram í 16-liða úrslit keppninnar.
Ómar Ingi Magnússon skoraði sex mörk og Gísli Þorgeir Kristjánsson þrjú þegar sigurlið Evrópudeildarinnar á síðasta keppnistímabili, SC Magdeburg, vann Kristján Örn Kristjánsson, Donna, og samherja i PAUC með 11 marka mun í suðurhluta Frakklands, 39:28. Donni skoraði þrjú mörk fyrir PAUC.
Viktor Gísli Hallgrímsson fékk loksins tækifæri til þess að spreyta sig eitthvað að ráði í marki GOG í kvöld þegar liðið vann finnsku meistarana Cocks örugglega í Finnlandi, 34:23. Viktor var með um 33% markvörslu en hann stóð annan hálfleikinn á milli stanganna í marki GOG sem er eins og Lemgo og Magdeburg komið áfram í 16-liða úrslit.
Aðalsteinn Eyjólfsson og lærisveinar hans í Kadetten Schaffhausen eru enn í baráttu um að komast í sextán liða úrslit. Þeir töpuðu naumlega í kvöld fyrir Eurofarm Pelister í Norður Makedóníu, 27:26, og eru í fjórða sæti D-riðils þegar tvær umferðir eru óleiknar.
A-riðill:
Füchse Berlin – Bidasoa Irun 35:23.
Tatran Presov – Wisla Plock 15:29.
Pfadi Winterthur – Toulouse 27:30.
Staðan:
B-riðill:
Medvedi – Benfica 27:32.
Cocks – GOG 23:34.
Lemgo – Nantes 37:37.
Staðan:
C-riðill:
Sävehof – Nexe 33:23.
PAUC – Magdeburg 28:39.
Gorenje Velenje – Ciudad de Logrono 32:31.
Staðan:
D-riðill:
AEK Aþena – Nimes 34:30.
RK Eurofarm Pelister – Kadetten 27:26
Sporting – Tatabánya 34:26.
Staðan: