„Nýting dauðafæra, tæknifeilar var það helsta,“ sagði Andrea Jacobsen landsliðskona í handknattleik spurð hvað hafi fyrst og fremst farið úrskeiðis hjá íslenska landsliðinu í kvöld þegar það tapaði fyrir færeyska landsliðinu, 24:22, í fyrstu umferð undankeppni EM kvenna í Lambhagahöllinni í Úlfarsárdal.
„Ég vil samt taka eitthvað jákvætt út úr leiknum. Þetta var fyrsti leikurinn með í grunninn nýtt lið. Í ljósi þess fannst mér við standa okkur að mörgu leyti vel,“ sagði Andrea ennfremur.
„Við fórum eflaust með 10, 12 eða 15 dauðafæri í leiknum,“ sagði Andrea en lengra viðtal er við hana í myndskeiði hér fyrir neðan.
Næsti leikur íslenska landsliðsins í undankeppninni verður gegn Portúgal ytra á sunnudaginn kl. 16.
Undankeppni EM kvenna ”26: Úrslit leikja
Tap fyrir Færeyingum í upphafsleik undankeppni EM
Sóknarleikurinn var í brasi allan leikinn
